Sjå denne viss du er babysjuk...

1982

Fakta om 1982

- Norges befolkning er 4 107 063.
- 51 245 barn blir født.
- 0,8 prosent av nyfødte dør før de fyller ett år.
- En nyfødt gutt kan i 1982 forvente å bli 73 år, en nyfødt jente 79 år.
- De mest populære navnene på nyfødte er Anette, Silje, Anne og Kristine for jenter og Kristian, Thomas, Lars og Stian for gutter.
- Det er 21 706 par som gifter seg og 7 165 par som skiller seg
- Gjennomsnittlig alder for første giftermål er 23,6 år for kvinner og 26,5 år for menn.
- Gjennomsnittshøyden for rekrutter er 179,4 cm.
- Det er i overkant av 88 000 studenter ved universiteter og høgskoler.
- Det er 326 personbiler per 1 000 innbyggere.
- Et kilogram kjøttdeig koster 59,80 kroner.

Hendelser 1982

- Falklandskrigen bryter ut.
- Nelson Mandela forlater øya Robben Island etter over 18 år i fangenskap.
- Spilldatamaskinen Commodore 64 lanseres.
- Et kunstig hjerte opereres inn i en 61 år gammel amerikaner.
- Et stort dynamitt-lager i Oslo blir sprengt i luftet midt på natten. Flere tusen vinduer knuses.
- Brann blir norgesmester (cupmester) i fotball for menn. De slår Molde 3-2 i finalen.
- Nei til Atomvåpen overleverer Stortinget nesten 400.000 underskrifter med krav om et atomvåpenfritt Norden.
- Jahn Teigen og Anita Skorgan vinner den norske finalen i Melodi Grand Prix med sangen "Adieu".
- Åtte malerier til en antatt verdi på 25 millioner kr blir stjålet fra Nasjonalgalleriet i Oslo
- Paul McCartney og Stevie Wonder med "Ebony and Ivory", Bolland med "You're in the Army Now" og F.R. David med "Words" topper norske hitlister.

Fødte 1982

- Mah-Rukh Ali, journalist.
- Kjersti Buaas, snøbrettkjører.
- Kirsten Dunst, amerikansk skuespiller.
- Jelena Isinbajeva, russisk stavhopper.
- Sondre Lerche, musiker.
- Madeleine av Sverige, svensk prinsesse.
- Siren Sundby, seiler.
- Aksel Lund Svindal, alpinist.
- Andreas Thorkildsen, spydkaster.
- Prins William av Wales, britisk prins.

Kjelde: SSB

Loppe-dag!

I dag har vi hatt loppemarknad!

Det var ei spent jente som våkna i går tidleg (30.04) og starta dagen med å bake muffins. Klokka 18 skulle vi vere klare til å ta imot lopper. Spaninga var stor... Kom det til å kome nokon i det heile???? Faktisk så kom det ganske mange og dei som kom hadde mange lopper med seg. Vi sorterte og organiserte til midnatt, og så var det berre å hoppe i "loppekassen" og drøyme ein uroleg draum om lopper, muffins og rot.

Dagen i dag har vore topp! Det kom fleire enn forventa, og både loppene og bakevarene flaug avgarde. Det er kjekt når ein får så mykje positiv tilbakemelding. Ein del ville faktisk at dette skulle bli eit årleg arrangement! Vi har i alle fall hatt det kjekt både før og under loppemarknaden, så får vi ta evalueringa og diskusjonen om ein evt. årleg tradisjon etter kvart.

No er eg trøtt og fornøgd, og veldig glad for at eg kan sitte meg ned i godstolen og berre slappe av resten av kvelden!

Loppemarknad!

Det var ein deilig ettermiddag på kafè at vi fekk ein flott idè: La oss arrangere loppemarknad! Og loppemerknad blir det.... 1.mai kl. 10 - 16 i Rand grendahus. Kom, kom!

Oskeskya trugar Europa

Baking

No i det siste har det gått mykje i kakebaking - både muffins og vanlege kaker. Fann nokre flotte nettbutikkar, så eg tenkte eg skulle legge ut lenkjene her:

Cakes, cookies and crafts shop
www.cakescookiesandcraftsshop.co.uk/

Klara
www.klarafardiga.com/

Helt i 100
www.helti100.no

Papirgleder
www.papirgleder.no/

Squires shop
www.squires-shop.com/

Ny butikk i Stryn!

I dag har Britt Irene, Vigdis, Elias og eg vore på den nye butikken i Stryn - FRYD. Der var mykje flott, m.a. Blafreboksar, kle frå Ugly og Småfolk til barn, fargerike tallerkar og koppar, leikar, m.m.

Eg fekk tak i ein stor boks.
Er ikkje den fin?



Butikken ligg i dei gamle lokala til Hobbyhuset, ved sidan av Expert.

Hadde du smelta?

Ikkje er eg eigentleg ihuga Hugh Grant-fan og songen er ikkje perfekt, men likevel... eg hadde smelta. Søt song! :-)

Klar for påske!

Tida flyg og det går mot vår! Det er deilig å sjå at snøen forsvinn og kjenne at sola varmar igjen. Elias veks og han forstår meir og meir for kvar dag som går. Det er rart å tenkje på at denne store guten er den same som låg i armane mine for berre nokre månadar sidan. No er det full action med snurring og kravling på golvet.

Det er berre nokre få dagar igjen til påske og bra er det! Eg gledar meg til ei skikkeleg familiepåske med nesten heile familien samla. Vi har ingen planar og det kjennest flott!

Stakkar Elias!

I dag har lille guten til mamma skada seg! Han datt frå sofaen med hovudet først. Heldigvis verkar det som han er i fin form, bortsett frå ein blåveis og eit skikkeleg horn i bakhovudet. Vi var sjølvsagt til doktor og sjekka, men han meinte det såg greit ut. Eg har sjølvsagt verdas svartaste samvit, for dette skal jo eg klare å forhindre...

Her er i alle fall nokre bilete av stakkars lille klumpen vår.


Tatt på fersken!
Desember 2009


Første gong i dongribukse!
Januar 2010


Multikulturell
Januar 2010


Mormor har strikka ein flott genser og bukse!
Februar 2010


Fotofjeset kom fram på bursdagen til mamma.
Februar 2010

Flott versjon!

Her er ein flott versjon av "Auld Lang Syne" i filmen Sex and the City. No er det berre å glede seg til oppfølgaren som kjem sommaren 2010!

Blåbærmuffins!

Eg har skrive om Pickles før, og i dag måtte eg berre prøve ei av oppskriftene for å sjå om dei var like gode som dei såg ut.... og det var dei!

Her er oppskrifta:

Sett omnen på 200 grader celcius.

Bland i ein bolle:
300 g mjøl
150 g sukker (gjerne brunt)
1 ts vaniljesukker
1 ts bakepulver
1 ts natron
1/2 ts salt

Bland i ein annan bolle:
3 egg
2 dl rapsolje eller annan olje utan for mykje smak

Så rører du innhaldet i dei to bollane forsiktig saman. Ikkje visp. Til slutt heller du oppi ca 200 g blåbær og puttar røra i formene. Det er nok til ca. 10 - 12 store muffins.

Rør saman havregryn, smør og sukker, ca. 30 g av kvar. Fordel blandinga på toppen av muffinsane. Til slutt strør du over litt kanel og steiker muffinsane i 20 - 25 minutt.

Oppdatering

Eg vart sittande og lese på bloggen til Katrin og tenkte at dette var spanande. Så her er altså ei oppdatering om meg...


Kva er din noværande besettelse? Baking - verken sunt eller lurt, men steikande godt og kjekt.

Kva er din merkelegaste besettelse? Å kome meg forbi neste lyktestolpe før bilen kjem. (Bør nemne at eg var ca. 10 år.)

Kva har du på deg i dag? Joggebukse og hettegenser

Kva skal du ha til middag? Har fått svinefilet og potetbåtar av min kjære. :-)

Kva var det siste du kjøpte? Ei Corona på Vertshuset i går kveld.

Kva høyre du på no? Elias som ligg og klagar på "babycallen"

Kvar ville du hatt eit betalt, fullt møblert hus/leilighet, viss du fekk velge heilt fritt? Ei leiligheit i New York eller eit hus i Arusha, Tanzania.

Kva er dine Må-ha plagg for sommaren? Korte sokkar. Det verste eg veit er sokkeskill.

Viss du kunne reise kva som helst i verda for den neste timen, kvar ville du reist? Zanzibar

Kva språk kunne du tenke deg å lære? Italiensk

Kva er ditt favorittsitat? "Jeg tror bare det jeg vet" - Skallemann

Kven vil du møte akkurat no? Barack Obama

Kva er din favorittfarge? Petrolblå

Kva er ditt favorittplagg frå ditt eige klesskap? Stillongsen min. Det er kaldt for
tida!

Kva er din drømmejobb? Konditor eller eigar av ein populære kafè med mange gjester heile tida.

Kva er ditt favorittblad? No for tida går det i "Mamma" eller "Foreldre & Barn"

Viss du fekk $100, kva ville du ha brukt dei på? Elias

Kva reknar du som ein motetabbe? Sokkar i sandalar, stringtruser som viser og for små kle.

Beundrar du nokons stil? Ja, mange. Eg beundrar den sporty stilen til Katrin, den spanande stilen til Britt Irene, den elegante stilen til Anne, den avslappa stilen til Monika og den tøffe stilen til Jorill... det kjem an på dagen og anledninga.

Beskriv din personlege stil? No for tida har eg sjeldan tid til å tenkje på kva eg har på meg, men til vanleg likar eg å kle meg klassisk med innslag av overrasking.

Kva skal du etterpå? No skal eg sjå OL, ta meg ein dusj og legge meg tidleg.

Kva er din favorittfilm? Frihetens regn, Sex & Singelliv-filmen, Stieg Larsson-filmane, The Holiday, m.m.

Kva er din favorittfrukt? Lite kan slå ein god mango!

Kva inspirerar deg? Vener, filmar, blad, naturen, butikkar, m.m.

Tre stylingtips som alltid fungerar for deg:
1) Når du er i tvil, sats på svart.
2) Keep it simple!
3) Det viktigaste tilbehøret er eit smil. :-)

Kva gjer du når du ikkje har noko å ha på deg? (Sjølv om klesskapet er smekkfullt!) Satsar på noko enkelt og tenkjer heller meir på tilbehøret, t.d. sko, smykker, sjal.

Inspirasjon!

Eg har vore i bakehumør i det siste og kjenner energien kome no når sola skin og våren nærmar seg. Difor vart eg skikkeleg glad då eg kom over denne sida: www.pickles.no
Mykje spanande - både etande og til hus og heim.
No får vi sjå om det blir med tanken, eller om det blir handarbeid framover mot våren.....

It's complicated

I går var gjengen på kino. Vi såg "It's complicated" med Meryl Streep, Alec Baldwin og Steve Martin. Her er eit lite klipp til ære for Katrin. Enjoy!

Sjokoladebollar

I dag fekk eg heilt bakedilla. Har baka sjokoladebollar, sjokolademuffins og pizzapirogar. Jammen bra eg var på dobbel treningsøkt etterpå.
Her er i alle fall oppskrifta på sjokoladebollane:

Ingrediensar:
800g kveitemjøl
1,5 dl sukker
1 ts kardemomme
1,5 ts bakepulver
2 ts vaniljesukker
1 pk tørrgjær
100g smør
5 dl mjølk

Framgongsmåte:
Bland alt det tørre.
Bland smelta smør og mjølk og varm opp til ca. 40 grader.
Bland alt saman og la deiga heve i ca. 1 time.

Del deiga i to og rull to lange pølser.
Kjevle ut og tilsett 150g grovhakka mjølkesjokolade.
Del opp og rull bollar.
La bollane heve i ca. 15 min. før ein penslar dei med eitt egg.

Steik midt i omnen på 200 grader i 10 - 15 min.
Det blir 18 - 22 bollar av denne oppskrifta.

Som om eg skulle ha sagt det sjølv....

Happy birthday.... to me.... soon

Bursdagen nærmar seg og kva står så på ønskelista i år? Bortsett frå "world peace", sletting av u-landsgjelda og andre humanitære saker, er det anna som og kunne friste....

- utemøblar
- blomster
- trankapslar
- god fruktte
- treningskle
- tøffe pepperkakeformer
- konsertbillettar (til hausten 2010)
- bukse
- middag ute
- bok eg kan skrive oppskriftene mine i
- Robin Hood-dvd (Disney-teiknefilm)
- Skjønnheten og Udyret-dvd (Disney-teiknefilm)
- mini-kjøkkenmaskin
- John Mayer sin nye cd "Battle Studies"

Knekkebrød

Oppskrifta til desse knekkebrøda fekk eg av ei venninne, men eg kan vel gje den vidare? Eg har baka dei maaaange gongar og må gje ifrå meg oppskrifta kvar gong nokon smakar dei. Dei er enkle å lage, men det tek litt tid å steike.

Ingrediensar:

3,5 dl grov sammalen rug
3,5 dl havregryn
2 dl solsikkefrø
1,5 dl sesamfrø
1 dl linfrø
1 dl kli
1 dl valnøtter
1 ts salt
1 ts honning
7 dl vatn


Framgongsmåte:

1) Bland alt saman og la det gjerne stå i 10 min.
2) Smør røra utover to langpanner dekt med bakepapir.
3) Steik på 180 grader i 10 minutt.
4) Ta dei ut og del opp i ønska form/storleik.
5) Steik på 180 grader i 30 minutt utan bakepapir.
6) Ta dei ut og legg over på rist.
7) Steik på 180 grader i 15 - 30 minutt med døra opa.

NB! Bruk varmluftsovn.

* LUKKE TIL! *

Favorittar litt seinare...

Det starta med denne sangen. Eg håpar inderleg det var songen og ikkje karen eg likte...



Plakatar av denne gruppa, og spesielt vokalisten, var over alt på rommet mitt. Veggane og skapet var tapetsert med plakatar av denne kjekke, flinke karen.



Og så var det denne karen då...

Favorittar då eg var lita

Bompibjørnane var ein favoritt på tv då eg var liten. Har prøvd å finne dei på dvd, men finn berre import frå utlandet. Jaja, så lenge ein har youtube kan ein klare seg lenge...




Her ligg introen til "Fragglene" - ein annan favoritt.
Lenkje: http://www.youtube.com/watch?v=MpQPe2eW1UA

Hehe...

Bake, bake søte...

I førre veke kjøpte eg meg årskort på Amfi treningssenter. Eg vil prøve å gå eit par-tre gongar i veka på dagtid i lag med Elias og på kveldstid. Denne veka har eg vore så flink å trene at eg måtte belønne meg sjølv med muffins i kveld.

Her er oppskrifta:

Eple- og kanelmuffins

Bland:
4 dl kveitemjøl
2 dl sukker
1 ts salt
2 ts bakepulver

Bland:
25g smelta margarin
1,5 dl mjølk
1 egg

Bland det våte med det tørre.
Tilsett 200g eple og smak til med kanel.

Fyll i muffinsformer.
Steik på 225 grader i 18 - 20 min.

NAM!

Dora the Explorer

Dette er Elias sitt yndlingsprogram! Han ser på det ofte og heile guten dirrar av spaning når han høyrer introen. Ein skal tidleg krøkast...

Nettshopping

No når vi endeleg har fått nett kan det bli dyrt å vere meg. Det er jo så mykje kjekt å finne!

Her er nokre nettstadar:

http://epla.no
Eg må takke Britt Irene som viste meg denne nettstaden. Stilig påfunn og mykje spanande å sjå! Kanskje kan eg kjøpe noko der etterkvart?

www.pandurohobby.no
Alltid mykje spanande og slett ikkje så dyrt.

http://www.uglycc.com/
Mange tøffe bodyar til småtroll, t.d. Marius-bodyar og melkekartong-bodyar.

http://formina.se/
For dei som er glade i å bake eller dekorere kaker. Mykje stilig!

Musikalske oppturar og nedturar

Eg likar vanlegvis ikkje å like det alle andre likar. Det er jo mykje kjekkare å vere litt original... Når det er sagt, vil eg berre seie at eg såg programmet til Skavlan på NRK fredag. John Meyer var gjest og han overraska på ein positiv måte. Han var jo både kjekk, kunne spele gitar og synge. Hmmm, minner han meg om nokon? I alle fall, det var den musikalske oppturen.

Tida gjekk og det vart laurdag og Grand Prix delfinale. Eg må seie at det ikkje var høgt nivå, men det som skremde meg var resultatet. Kven kom til finalen? Jo, det var ein med Freddy Mercury-moves og Spandau Ballet-sound. Alexander Stenerud heiter han visst. Er det mogleg? Det må vere altfor mange 40 åringar med 80-tals abstinensar som stemmer! Den musikalske nedturen kom i alle fall med eit smell - bokstaveleg tala - han hadde jo fyrverkeri som skulle understreke rytma i låten. Nei og nei, seier eg.

Jammen bra ein kan illustrere kva ein meiner med youtube...

Bokanbefaling

I haust leste eg boka "Øya" av Victoria Hislop. Det var ei spanande bok der vi fekk følge ein familie på Kreta i fire generasjonar. Den var full av spaning, kjærleik, historie og intrigar. Kan verkeleg anbefalast. Øya det er snakk om er Spinalonga som ligg aust for Kreta. Den heiter no offisielt Kalidon.



Frå bokomslaget:
Alexis Fieldings mor, Sofia, har aldri fortalt noe om bakgrunnen sin. Alt hun vil si er at hun vokste opp i en landsby på Kreta før hun flyttet til London. Da Alexis bestemmer seg for å dra til Kreta, gir imidlertid Sofia henne et brev som hun ber henne overlevere til ei gammel venninne. Da hun ankommer landsbyen Pláka, oppdager Alexis at den ligger et steinkast fra den forlatte øya Spinalonga, ei øy som tidligere var bebodd av spedalske. Når hun møter Sofias venninne, Fortini, får hun høre historia om oldemora Eleni og døtrene hennes, og en familie som var hjemsøkt av tragedier, kriger og lidenskap. Dette er forfatterens debut.

Stakkars Nasse Nøff

Puss, puss, så får du ein suss...

Dette er altså favoritten til Elias! Kvar morgon etter at vi har skrifta bleier, ser vi litt på denne. Han strekker seg bort til den og smiler og ler. Han får ikkje ete på den pga. skarpe kantar, men det er nok å berre sjå på den og kanskje røre forsiktig på den. Er det andre enn meg som slit med å sjå kva som er så spanande med den?

Innetid

Grunna låge temperaturar har ikkje Elias vore utandørs på lenge. Med unntak av ein liten tur på helsestasjonen og eit kort middagsbesøk med mormor og morfar, har stakkaren vore innandørs sidan nyttårsdag. Dette kan umogleg vere sunt, men kva er alternativet? Frostskadar og forkjølelse? Ei hysterisk førstegongsmamma kan bli gal av mindre... Men planen er klar: Viss det er varmare enn -8, skal vi ut i morgon. Dermed basta!

Endeleg!

No har eg venta og venta på nettet leeeenge. Endeleg kan eg kome i kontakt med omverda! Over 6 mnd. i permisjon utan internett har vore ein prøvelse, i alle fall når ein er vane med å kunne sjekke mail, finne oppskrifter, søke etter informasjon og liknande når ein vil. Men no er altså heile verda komen inn i stova. Deilig! Ein ny era startar: Maria som bloggar. Kjem det til å gå bra eller blir det stilt etter ei veke med nysgjerrigheit? Den som lever får sjå....